عاوزة زوجك يلزقلك ....... خليكى مع نصائح هنادى

تذكير بمساهمة فاتح الموضوع :

[ندعوك للتسجيل في المنتدى أو التعريف بنفسك لمعاينة هذه الصورة]عندى ليكم نصائح انما ايه ..لكل زوجه واى بنت مقبلة على[ندعوك للتسجيل في المنتدى أو التعريف بنفسك لمعاينة هذه الصورة] الزواج اتمنى تعجبكم وانتظروا منى كل يوم نصيحة غير التانية وربنا يسعد الجميع
يله بينا نبدا
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]

النصيحة24 :
ياترى الراجل مش بيحب فى الست ايه ؟؟
تعالى اقولك عليه !.!.!.!

فى حاجات كتير اوى فى الست الراجل مش بيحبها تعرفيها ؟؟طب تعالى نفتكرها سوا

- الراجل مش بيحب الست الى مش مهتمية بنفسها يعنى النيو لوك وكده
- الراجل مش بيحب الست النكدية يعنى الى عاملة مشكلة على التافهة وعلى كل حاجة تتخانق
- الراجل مش بيحب الست المريضة او التى تتمارض يعنى لو فيكى تعب الدنيا كلها خليكى نشيطة قدام زوجك واوعى تحسسيه انك تعبانه
- الراجل مش بيحب حد يقوله رايح فين وجى منين استنى وو الله هو ح يقوك لوحده رايح فين بلاش مامور القسم او وكيل النيابه
- الراجل مش بيحب الست الى بيقولوا عليها بالبلدى كده صاحبه يعنى لازم تبقى ناعمه اوى معاه وحنية وكده
- الراجل مش بيحب الست الشكاية يعنى عامله خناقات مع كل الجران الى فى البيت ومع اولادها واخواتها واخواته كمان وامه
- الراجل مش بيحب الست الى مش بتحب اهله معلش اعصرى على نفسك لمونه وكلى زتونه وراها واستحمليهم عشان تكسبى قلب زوجك ووالله متجربة
-الراجل مش بيحب له شريك يعنى متهتميش بحد زياده عن اللزوم فى وجوده الى لو عاوزاه يغير عليكى شوية ( لعب ستات على تقيل )[ندعوك للتسجيل في المنتدى أو التعريف بنفسك لمعاينة هذه الصورة]
- الراجل مش بيحب الست المعتمده عليه فى كل شىء لا انى بينيله انك بتعتمدى عليه بس اعملى انتى كل حاجة
- الراجل مش بيحب الست اللكاكه يعنى لخصى وهاتى من الاخر فى المواضيع
ويارب نصيحة اليوم تكون عجبتكم وتشوفى انتى بتعملى ايه من الى فات وحاولى تغيريه......هنادى.... [ندعوك للتسجيل في المنتدى أو التعريف بنفسك لمعاينة هذه الصورة]

النصيحة ال25 :
للمخطوبات فقط ...
اخلع القناع حتى اراك
لكل بنت مخطوبة ولكل ولد خاطب
كل شخص يحرص على ان يرى الطرف التانى يراه بشكل جميل ويرى كل المميزات التى فيه اثناء الخطوبة . وبعد الزواج تقع الكارثة !! وكل فرد يكتشف ان شريك حياته الذى تزوجه وحلم بالعش الزهبى معه مش هو دا الى اتجوزه لآ دا شخص تانى غيره بالاخلاق الى زى الزفت و الشخصية المستبدة والست المهملة او شكلها وهى صاحى من النوم يا ماما

ذلك كله لانهم اثناء الخطوبة بيغشوا بعض ومفيش صراحة
على راي مروة ( الصراحة راحة يا عينى وانت مبتعرفش )[ندعوك للتسجيل في المنتدى أو التعريف بنفسك لمعاينة هذه الصورة]
تعالى اقولك ازاى تخلعى . مش جوزك . لا . قناع خطيبك المزيف حتى ترى ما تحته من شخصية حقيقية التى سوف تريها بالبيت !!!

- حاولى تكونى صريحه معاه فى كل شىء والصراحة عادتا بتزعل ودا المطلوب حتى تطلعى ما فى جعبته من اخلاق وحتى يرا هو الاخر الوجه الصحيح لكى
-اختبريه فى مواقف حقيقية لتحمل المسئوليه مثل ازمة مالية للاسرة مثلا او ازمة مرضيه لا قدر الله بس خليكى زكية واوى تعرفيه ان دا اختبار واوعى تعترفيله بدا فى يوم من الايام حتى لا يشيل منك
-اشركيه فى كل افكارك و حاولى انك تقترحى عليه افكار لحل مشاكله دون الضغط عليه فى تنفيزها
- اهم شىء :::[ندعوك للتسجيل في المنتدى أو التعريف بنفسك لمعاينة هذه الصورة]
لا تفرطىفى اعز ما تملكين مقابل ارضائه وتاكدى ان هذا اختبارمنه ولو زعل منك يتفلق يشرب من المالح ولو سابك يبقى افضل وتاكدى ان معظم الشباب بترجع تانى و لو مرجعش يبقى مكنش بيحبك وتبقى شلتى اول قناع ليه و كمان معظم الشباب بيستسهل الموضوع دا ومش بيقدم على موضوع الارتباط الرسمى وغير انه منافى للدين والشرع ويغضب الله
- الاهم باه ::
حاولى تقضى يوم كامل معاه فى بيته مع الاسرة طبعا وركزى اوى باه فى الموضوع دا وتشوفى تصرفاته مع اهله عاملة ازاى مع امه بالاخص واخواته طبعا وتاكدى ان دى شخصيته الحقيقية الى ح تشوفيها بعد الزواج فى بيتك والى اكيد ح يعاملك بيها
فا احظرى من التصنع فى المعاملة والله الرجالة كمان بتتصدم خليه يشوفك يوم وانتى صاحية من النوم عشان ميتصدمش او يوم وانتى مش حطة ميكاب وسداينى الصراحة احلى ميت مرة من الغش والتصنع وبالمقابل ح تلاقى اكيد صراحة ووالله عن تجربة شخصية وادينى اهو اتجوزته والحمد لله راضى وانا راضى وربنا يجمعكم فى الحلال يارب....هنادى :::[ندعوك للتسجيل في المنتدى أو التعريف بنفسك لمعاينة هذه الصورة]

النصيحة ال26 :
تمر الحياة الزوجية بالكثير من الاحداث ومن بينها بعض الخلافات فكيف تتعاملين مع الخلافات الزوجية ؟ هل تنجحين فى تجاوزها ام تسمحين لها بتنغيص حياتك ؟
اختبار ليكى واعرفى نفسك,,..
جاوبى على الاسئلة وجمعى النقاط واعرفى شخصيتك..

1- تنظرين للخلافات الزوجية باعتبارها
أ-نهاية للحب والرمانسية
ب-ناتجة عن خطا حدث منذ البداية فى الزواج
ج- امر طبيعى فى الحياة

2- عند شعورك بالغضب من امر ما فأنك
أ- تحاولين السيطرة على مشاعرك
ب- تندفعين فى التعبير عن غضبك دون ضابط
ج- تكشفين للطرف الاخر انك غاضبة وتسعين لمناقشة اسباب غضبك معه

3- يعرف زوجك انك متوترة حتى اذا لم تظهرى ذلك
أ- نعم ويحاول ان يساعدك لتجاوز التوتر
ب- نعم لكنه يعتبر الامر تدللا منك
ج- لا . فليس لديه احساس

4- فى كثير من الاحيان تبادرين بالتنازل حتى تسير المركب
أ- نعم فى اغلب الاحيان
ب- لا
ج- وهو ايضا يتنازل
5- اذا اختفى زوجك خلف الكمبيوتر او اغلق على نفسه الباب بعد الخلاف
أ- تتركين له البيت لانه لا يشعر بك
ب- تعرفين انه يريد الهروب من تصعيد المشكلة
ج- تتركينه لفترة ثم تبدئين الخطوة الاولى لانهاء التوتر

6- عادة تحاولين ضبط اعصابك اثناء الخلاف
أ- وتنجحين غالبا فى ذلك
ب- لا تستطيعين ابدا
ج – تفكرين فى ذلك لكنه يستفزك

7- بعد الخلاف تتذكرين المواقف الجميلة التى كانت بينكما من قبل
أ- نعم واشعر بالندم على الخلاف الذى وقع
ب- اتذكر فقط المشكلة
ج – تشعرين انه لم يكن بينكما اى شىء جميل

8- عند حدوث خلاف فان اطراف اخرى تتدخل
أ- لا اذ عادة ما نحل خلافاتنا فيما بيننا
ب- تلجئين لاهلك ليعرف انك لست من الشارع
ج- يتدخل اهله فتحاولين انهاء الخلاف ولو على حسابك

9- عند حدوث خلاف فاءنك
أ- تتاثرين جدا
ب- تعرفين انها فترة وتمر
ج- تشعرين ان الحياة اوشكت على النهاية

10 – فيما يخص موقف الابناء من خلافاتكما
أ – تتجنباهم الخلاف تماما
ب- تشرحين لهم انه امر طبيعى و انكما قادران على اصلاح الامور فلا داعى للقلق
ج- لا مانع من استغلالهم فى الضغط لصالحك

الان جمعى النقاط وسوف تكون النتيجة :
رقم السؤال \ أ \ب \ ج \
1 \ 10 \0 \ 20 \
2 \10 \ 0 \ 20 \
3 \ 20 \ 10 \ 0 \
4 \ 10 \ 0 \ 20 \
5 \ 0 \ 10 \20 \
6 \ 20 \ 0 \ 10 \
7 \ 20 \ 10 \ 0 \
8 \20 \ 0 \ 10 \
9 \ 10 \ 20 \ 0 \
10 \ 10 \ 20 \0 \

النتيجة باه....

عاقلة جدا
اذا كان مجموع النقاط يتراوح ما بين 140 و 200 نقطة
فانت امراة عاقلة تعرفين طبيعة الحياة لديك سعة صدر وصبر و غالبا فان زوجك يقدر ذلك ويساعدك عليه
خلافاتكم قليلة وانتما قادران على تجاوزها بسهولة
لا تنكران حقيقة مشاعركم انما تواجهان اسباب الغضب

واقعية
اذا كان مجموع النقاط يتراوح مابين 70 و 130 نقطة فانت ناجحة فى السيطرة الى حد يسمح بان تستمر الحياة بشكل جيد
احياناتضغطين على نفسك للحفاظ على بيتك لكن هذا ليس علاجا لانك مع مرور الوقت لن تتمكنى من التحمل
عليك مناقشة الامور بهدوء و وضوح

انفعالية
اذا كان مجموع النقاط اقل من 70 فانك فى حاجة الى مزيد من ضبط النفس
لا داعى للانفعال المبالغ فيه واعتبار كل مشكلة صغيرة نهاية الكون
حاولى الوقوف مع نفسك ومراجعة تصرفاتك قبل ان تتهمى الاخرين بانهم سبب مشاكلك وتعاستك

...............[ندعوك للتسجيل في المنتدى أو التعريف بنفسك لمعاينة هذه الصورة]هنادى..................

النصيحة ال27 :
هل تعتقدين أن زوجك عنيد؟

حسنا إذا كان الجواب نعم فان جزءا كبيرا من المشكلة يقع على عاتقك لأنك لا تعرفين كيف تتصرفين معه، فعندما تكونين على وشك التفوه بشيء أثناء المشكلة توقفي وفكري، هل ما ستقولينه الان سيحقق الهدف الذي يتم السعي له أم أنه سيزيد المشكلة تعقيدا، إذا كان الجواب أنة سيعقد الموضوع إذن عليك التوقف والتفكير في حل آخر.
تذكري دائما لماذا وافقت على الزواج به من البداية: إذا كنت تعانين من أوقات عصيبة مع زوجك فان ذلك سيمنعك من تذكر الذكريات السعيدة معه، لذلك كلما شعرت انك ستصلين إلى طريق مسدود فان عليك أن تحاولي استرجاع الماضي وان تتذكري السبب الذي دفعك للارتباط بهذا الإنسان طيلة الحياة.
قرري أن تحبيه
حتى أقوى الزيجات ثباتا تتعرض لبعض الهزات مع الوقت لذلك قرري انك مهما كانت الظروف قاسية فانك ستعملين جهدك أن تحاولي التمسك بالعلاقة وان تعملي على إنجاحها مهما كانت الظروف، أما إذا قررت أن العلاقة محكومة بالفشل فانك ستتوقفين عن محاولة إنقاذ الزواج وسينتهي الأمر بالفشل
حمانا الله وإياكم من شر الخلافات
وأتمنى أن نستفيد جميعا من هذه النصائح ونأخذها بعين الإعتبار

النصيحة ال28 :
هل جوزك نكدى ومش بيصالحك بعد الزعل بالايام .؟.. حله عندى تعااااااااالى..

حصلت الخناقة وخلاص وكل واحد منكم دخل اوضه وبيتم كمان وانتوا زعلنين ودا حال كتير اوى مننا
اولا ادخلى عليه عادى وكلميه اكن مفيش حاجة حصلت خالص ولو مرضش عليكى ابتدى فى الدلع شويه شويه وعامليه على انه طفل وقوليله ( ايه دا حبيبى زعلان لا والله مقدرش على كده دا انت روحى وعمرى وقلبى يا خراشى لا والله )و لو الدلع مجبش نتيجة ما ليكى الا الحل التانى
ابداى بالمصالحة انتى مفيش مشكله بس بشرط مش دائما ولو اتصالح خلاص ولازم كلامك يبقى كويس اوى معاه وبلاش تتكلموا تانى فى المشكلة يعنى الى فات مات وخلاص غيروا الموضوع
ولو لسه مفيش فايدة
ملكيش الا اخر حل
وهو دا الى اكيد ح يجيب نتيجة
بعد الخناقة وخلاص حصل الى حصل وانتى جاهدتى فى انك تصالحية وهو مفيش كشرى على راى اخواتنا [ندعوك للتسجيل في المنتدى أو التعريف بنفسك لمعاينة هذه الصورة]
وصحيتى الصبح ومفيش فايدة اسمعى كويس باه ...
شغلى اغنيه لام كلثوم مثلا او فيروز او اى حد بتحبيه وغنى واعملى نفسك مبسوطة اوى وكان مفيش حاجة خالص والعبى مع ولادك واضحكوا وكل دا طبعا ادامه ومتبصليهوش خالص خالص وكانه مش موجود ولو طلب منك حاجة اعمليهاله ولو حتى كان مكشر اعمليها وانتى بتضحكى بس مش عليه طبعا[ندعوك للتسجيل في المنتدى أو التعريف بنفسك لمعاينة هذه الصورة] عشان متنرفزيهوش
هو ساعتها ح يحس انه منبوز ومش عايش حياته معاكم وانتوا مستمتعين وهو الوحيد الى متعكنن فا ح يفك العكننه وخلاص وح يبقى كويس ولما يكلمك باه تكلميه عادى ولا فى اى حاجة خالص حصلت والى فااااااااااات مااااااااااااااااااااااااااااااات والنبى
مش اول ما ييجى يكلمك انتى تترسمى عليه وتعملى زعلانه [ندعوك للتسجيل في المنتدى أو التعريف بنفسك لمعاينة هذه الصورة] ووالله دى نصيحة تجنن ومتجربه
...........هنادى ..........[ندعوك للتسجيل في المنتدى أو التعريف بنفسك لمعاينة هذه الصورة]

النصيحة ال29:
اسباب الملل فى الحياة الزوجية وحلها ::
الحياة الزوجية مليئة بالملل و الرتابة والروتين اليومى عامل من عوامل الملل ولكنه ليس السبب الوحيد ولكن هناك عدة اسباب هى :
التوقعات الكبرى وغير المنطقية من الشريك قبل الزواج.
_ النظرة السلبية إلى النفس والشعور بالإحباط.
_ ضعف وانتقادات ألا سره أو المحيط الاجتماعي.
_ كثرة السهر خارج المنزل من قبل أحد الطرفين.
_ طول الاقامه في البيت من قبل الطرفين أو أحدهما.
انعدام المصارحة.
_ الرتابة في الحياة اليومية.
_ الخلافات التي لايتم علاجها سريعا.
_ برود المشاعر والعيش بطريقه آلية ومبرمجه.
_ التعب والإرهاق الدائم.
_ العمل الزائد خارج المنزل.
_ الخيانة وتأنيب الضمير.
_ عدم القدرة على إشباع كل منهما غرائز الآخر.
_ عدم الاقتناع بالآخر.
_ انعدام الغيرة والاهتمام بالآخر.
ميل أحد الطرفين إلى إشباع رغباته وإهمال الآخر.
_الفرق الكبير بالعمر.

ولحل هذه المشاكل التى تسبب الملل :
_ الحديث عن أسباب الملل ومحاولة حل المشكلة.
_ التعرف إلى الطريقة التي لجأ إليها الطرف الآخر للتخلص من الملل.
_ اكتشاف إيجابيات الطرف الآخر والتذكر بان الآخر ليس سيئاً كلياً.
_ استعداد كلا الطرفين للتغيير أو التنازل أو الالتقاء منتصف الطريق.
_ السفر سوياً أو الابتعاد عن المنزل والقيام بنشاطات جديده.
_ الاتفاق على اخذ فرصه منفصلة ليومين أو ثلاثة لتجديد الشوق.
السعي إلى التجديد حتى بابسط الأمور كالشكل أو الثياب.
_ ملئ الفراغ بنشاطات مشتركة مفيدة .
_ تجديد ديكور المنزل .
_ الملاطفة وملاعبته والمزاح مع الطرف الآخر .
_ تبادل الهدايا حتى البسيطة منها .
_ استخدام الكلمات الحلوة والذكريات المشتركة الجميلة .
_ القيام بنشاطات مشتركة في المنزل كالطبخ أو تغيير الديكور.
_ (خاص بالزوج) فاجيء زوجتك بإفطار في الفراش.
_ (خاص بالزوج أيضاً) اتصال مباشر بها اكثر من مره وقل لها بما تشعر.

هذه المشاكل والحلول مجرد قطره في بحر ولكن كلما عرف الإنسان خطئه بالتأكيد فقد قطع نصف الطريق وتذكر أخي الزوج وأنتي أختي الزوجة بأنه لا يأس مع الحياة ولا حياة مع اليأس ..
..........هنادى................[ندعوك للتسجيل في المنتدى أو التعريف بنفسك لمعاينة هذه الصورة]

النصيحة ال30 :
لم تتزوجي فارس أحلامك ؟؟
خبراء علم النفس يؤكدون

أن بداخل كل رجل طفلاً حتى وإن كان رجلاً عريض المنكبين أو مفتول العضلات، ومن هنا ينصحونك بأن تخاطبي طفولته قبل أن تخاطبيه كرجل، فالأطفال وإن كان التعامل معهم ليس بالأمر السهل، لكن هناك الكثير من الوسائل التي تستطيعين بها إقناعهم بما تريدين، وهذا بالتحديد ما يجب أن تفعليه مع زوجك العزيز. ولكي يكون تأثير سلبيات طباع زوجك أقل وطأة على نفسيتك؛ ضعي بين عينيك أنه لا يوجد شخص كامل الصفات،
وأنك لم تتزوجي من فارس الأحلام
، ولن تفعل ذلك أي امرأة،
ففارس الأحلام نحن من نصنعه بحبنا ونظرتنا للأمور الإيجابية دائماً ومحاولة غض بصر القلب قبل العين عن الأمور السلبية. وتعلمي دائماً أن تحبي ما تجدين وليس أن تجدي ما تحبين،
فهذا ما سوف يجعل حياتك أكثر حباً وأكثر سعادة
فا تغاضى عن الاخطاء لاننا مش ملائكة ولو انتى فى مكانه ح تتمنى انه يسامحك حتى ولو على اتفه الاسباب
فا حاولى ان ترتقى بزوجك الى حلمك ليجد هو الاخر فارسة احلامه التى فى خياله
....هنادى.....[ندعوك للتسجيل في المنتدى أو التعريف بنفسك لمعاينة هذه الصورة]

النصيحة ال31 :

ابعدى حبه تزيدى محبة !!
دا مثل كلنا بنقوله ومتداول كتير اوى بس فى حد فكر فيه شويه كده ...
كانت ماما دايما تقولى ابعدى حبه تزدادى محبة مش عنها يعنى [ندعوك للتسجيل في المنتدى أو التعريف بنفسك لمعاينة هذه الصورة]لا دا على زوجى ايام ما كنا مخطوبين عشان كدا كان بيجيلى يوم فى الاسبوع بس كنت باشوفه فى الكليه يعنى بس اوعوا تقولوا لبابا وماما[ندعوك للتسجيل في المنتدى أو التعريف بنفسك لمعاينة هذه الصورة]
نيجى لحبيبى باه
يا حبيبتى زوجك طبعا انتى ليكى حق فيه بس مش لدرجة الخانقة يعنى لازم تفكى عنه الحصار شويه[ندعوك للتسجيل في المنتدى أو التعريف بنفسك لمعاينة هذه الصورة]
يعنى الاهتمام الزايد بالراجل بيخنقه جدا وبيتحول الحب الى حب امتلاك فا حاولى تضبطى نفسك وتشتغلى عليها وتتحكمى فيها حتى لو بتموتى فى زوجك
يعنى بلالالاش الرنات على الموبايل كل خمس دقائق ولا التليفونات بكتر الطلبات
ولا تفضلى تقوليله بتحبنى كل لما تشوفيه الرجاله مش بيهتموا بالموضوع دا طول ماهو متوفر لهم بس الحرمان منه يخليهم محتاجينه
بس مش على طول عشان ميدورش عليه برة البيت
فا الحل انك تغيرى جو لوحدك انتى والاولاد مثلا عند اختك او عند اهلك لوحدك لمدة 3 ايام وسيبيه خالص لواحده على شرط يبقى من غير خناقة وزعل طبعا
لا تمشوا حبايب طبعا بس تغيير كسر للروتين وتبعدوا حبه تزيدوا محبه [ندعوك للتسجيل في المنتدى أو التعريف بنفسك لمعاينة هذه الصورة]
وصدقينى ح تلاحظى الفرق [ندعوك للتسجيل في المنتدى أو التعريف بنفسك لمعاينة هذه الصورة]ومفيش مانع لو انتى رجعتى البيت قبل الاولاد بيوم [ندعوك للتسجيل في المنتدى أو التعريف بنفسك لمعاينة هذه الصورة]
..........هنادى......[ندعوك للتسجيل في المنتدى أو التعريف بنفسك لمعاينة هذه الصورة]

النصيحة ال32 :
ماذا تعرفى عن المرحلة الحرجة فى حياة زوجك ؟؟
لكل زوج مرحلة حرجة فى حياته يمر بيها و على الزوجة الزكية ان تعرفها وفى تلك المرحلة يكون الزوج اضعف ما يكون و بالتالى فهو عرضة للسقوط و الانحراف
اهم تلك المراحل الحرجة فى الحياة الزوجية هى الاتيه :
- مجىء الاطفال الى الدنيا
سيبك باه من الى بيتقال فرحة الاب والابوة والفرحة بصوت الطفل [ندعوك للتسجيل في المنتدى أو التعريف بنفسك لمعاينة هذه الصورة]فى البيت ممكن يكون صح بس كمان مع مجىء كل طفل للدنيا يزداد احساس الاب بانه بقى اقل اهمية من الناحية العاطفية
و الزوجة تعطى 90 % من اهتمامها للطفل القادم ومش فى اجندتها متسع لاى شىء تانى حتى الزوج وبالعامية
راحت على الزوج[ندعوك للتسجيل في المنتدى أو التعريف بنفسك لمعاينة هذه الصورة]

- تزايد اعباء الزوجة فى البيت وخارجه
قد تدفع الظروف المادية الصعبة الى ابتكاربدائل علمية لزيادة الدخل و يبحث كل من الزوجة والزوج على فرصة عمل لتعزيز الدخل وكثير اوى ما ينعكس دا على السكينة العائلية مثل السفر ودا بقى شائع جدا جدا الراجل فى حته والست فى حته
ولما الست تتشغل فى شغل البيت وشغل كمان برة البيت طبيعى انها تنسى واجبها كا زوجة وسط هذا الصراع و صحيح انه هو كمان مشغول بس الراجل راجل منذ الازل الكائن الى اتعود ان المراة تضعه فى اعلى مرتبه لديها

-الامومه المبالغ فيها
(وعلى فكرة انا كمان ام ) نعم الافراط فى الامومة الى حد الهبل و انا اسفة طبعا
ينعكس دا سلبيا على علاقة الزوجة بزوجها وممكن الزوج ميتكلمش ولا يقول كدا لانه استحالة ح يضع نفسه فى مقارنه مع طفل وخصوصا انه ابنه
بس عدم الشكوى لا يعنى الا انه يحبس مشاعره وضيقه فى صدره وممكن يفرغ الغضب دا فى امور غير صحيحة ونرجع احنا نعيط ونقول ليه عمل كدا ؟"
نصيحة لكل زوجه ::
تخلى قليلا عن اهتماماتك اليوميه من امومه او عمل لارضاء زوجك حتى لا تندمى وان رضاء الزوج من رضاء الله واعلمى انكى تفعلين كل هذا لوجه الله اولا وليس للعبد حتى لو كان هو وحش معاكى لا ترض السيئة بالسيئة وادفع بالتى هى احسن
مش دا كلام ربنا [ندعوك للتسجيل في المنتدى أو التعريف بنفسك لمعاينة هذه الصورة]
وصدقينى دا ح ينعكس عليكم بالسعادة كمان والهناء
....هنادى.....[ندعوك للتسجيل في المنتدى أو التعريف بنفسك لمعاينة هذه الصورة]