هكذا رتبي اغراضك واكسسواراتك

السلام عليكم ورحمة الله وبركاته

بعد ما شفت تجاربكم في ترتيب وتنظيم الأغراض ، حبيت اعرض عليكم تجربتي .. وتحملوا لان الموضوع طويل ..

انا بيتي صغير وايد ، عبارة عن غرفة نوم وصالة ومطبخ صغير وغرفة للصغارية وحمام واحد ..

أول شي ببدء بغرفة النوم

ببدأ بالتسريحة مالتي

حاطة عليها الاشياء الضرورية ..

كان ودي ازينها واعدلها بس عيالي ما بيخلونه

اترككم مع الصور وبعدها الشرح

[ندعوك للتسجيل في المنتدى أو التعريف بنفسك لمعاينة هذه الصورة]

المهم حاطة كلينيكس وسلة طقم معاها عشان ارمي بها الكلينيكس

وحاطة سلة خشب بها العطور اللي استخدمها وايد ، وحامل لمكياجي الخفيف

وحاطة بعد كرتون نعال حولته بالكلينيكس الملون لصندوق جميل حاطة في بعض الاشياء البسيطة لاستعمال اليومي

[ندعوك للتسجيل في المنتدى أو التعريف بنفسك لمعاينة هذه الصورة]

وصندوق فيه اكسسواراتي استخدمت فيه كرتون البيض لتقسيمها ...

[ندعوك للتسجيل في المنتدى أو التعريف بنفسك لمعاينة هذه الصورة]

وداخل كبت التابع للتسريحة ، حطيت داخلة صناديق خاصة لاكسوارات الشعر ..

[ندعوك للتسجيل في المنتدى أو التعريف بنفسك لمعاينة هذه الصورة]